Xəbərlər arxivi

MƏLUMAT

01 noyabr 2017-ci il tarixdə saat 17:00 radələrində, Nəsimi rayonu, Ü.Hacıbəyov küçəsi-49 ünvanda yerləşən, İ.Əfəndiyev adına Elitar Gimnaziyanın İdman zalının soyunma otağında istismar olunan video müşahidə kameralarına baxış zamanı 20 gün əvvəl paytaxt sakini, 2008-ci il təvəllüdlü Rəsul İmanova məxsus “İphone-7” markalı mobil telefonu oğurlamaqda şübhəli bilinən iki şəxsdən biri, Lənkəran şəhər sakini 1987-ci il təvəllüdlü Əliyev Ruslan Mütəllim oğlunu Nəsimi və Suraxanı rayon mühafizə hissələrinin əməkdaşları saxlayaraq sonrakı araşdırmalar aparılması üçün ərazi üzrə 22-ci Polis Bölməsinə təhvil vermişlər. Faktla bağlı Nəsimi RPİ-nin 22-ci PB-də araşdırma aparılır.

02/

11/17
 

MƏLUMAT

20 oktyabr 2017-ci il tarixdə saat 14:40 radələrində, Abşeron Rayon Mühafizə İdarəsinin əməkdaşları, rayonun Novxanı qəsəbəsində yerləşən, texniki vasitələrin köməyi ilə mühafizə olunan “Fresco” marketdən Mərkəzi Mühafizə Məntəqəsinə (MMM-ə) daxil olmuş “həyəcan” siqnalı barədə məlumatı yoxlayarkən, ümumi dəyəri 257 manata yaxın müxtəlif növ ərzaq məhsullarını oğurlmış Binəqədi rayon sakini 1992-ci il təvəllüdlü Heydərov Əlipaşa Ələddin oğlunu yaxalayaraq sonrakı araşdırmalar aparılması üçün Abşeron Rayon Polis İdarəsinə təhvil vermişlər. Faktla bağlı araşdırma aparılır.

21/

10/17
 

MƏLUMAT

20 oktyabr 2017-ci il tarixdə saat 03:28 radələrində Sabunçu rayonu, Bakıxanov qəsəbəsi, Ş.Kamilov küçəsində yerləşən, siqnalizasiya sistemləri ilə təchiz olunmuş, qorunan, fiziki şəxsə məxsus “Market”dən Mərkəzi Mühafizə Məntəqəsinə “həyəcan” siqnalı daxil olmuşdur. Dərhal hadisə yerinə gələn Sabunçu Rayon Mühafizə İdarəsinin əməkdaşları, oğurluq məqsədilə obyektə daxil olmuş və obyektin ön pəncərəsindən çıxıb qaçmaq istəyən, paytaxt sakini, əvəllər məhkum olunmuş 1981-ci il təvəllüdlü Quluyev Fərid Abbasqulu oğlunu saxlayaraq ərazi üzrə 13-cü Polis Bölməsinə təhvil vermişlər. Faktla bağlı Sabunçu RPİ-nin 13-cü PB-də araşdırma aparılır.

21/

10/17
 

MƏLUMAT

19 oktyabr 2017-ci il tarixdə saat 07:10 radələrində, Abşeron Rayon Mühafizə İdarəsinin əməkdaşları, Bakı-Sumqayıt şosesinin 17-ci km-də yerləşən, texniki vasitələrin köməyi ilə mühafizə olunan “Araz” super marketdən Mərkəzi Mühafizə Məntəqəsinə (MMM-ə) daxil olmuş “həyəcan” siqnalı barədə məlumatı yoxlayarkən, ümumi dəyəri 80 manata yaxın ərzaq məhsullarını oğurlmağa cəhd edən, əvvəllər məhkum olunmuş Sumqayıt şəhər sakini 1978-ci il təvəllüdlü Məhərrəmov Rəşid Əşir oğlunu yaxalayaraq sonrakı araşdırmalar aparılması üçün Abşeron Rayon Polis İdarəsinə təhvil vermişlər. Faktla bağlı araşdırma aparılır.

19/

10/17
 

MƏLUMAT

18 oktyabr 2017-ci il tarixdə saat 08:40 radələrində, Nəsimi Rayon Mühafizə İdarəsinin əməkdaşları, “Moskva” Ticarət Mərkəzinin qarşısında vətəndaş V.Həsənovanın qulağından qızıl sırğanı qoparıb qaçarkən, Gəncə şəhər sakini 1992-ci il təvəllüdlü Hüseynov Kamran Hilal oğlunu yaxalayaraq sonrakı araşdırmalar aparılması üçün ərazi üzrə 19-cu Polis Bölməsinə təhvil vermişlər. Faktla bağlı Nəsimi RPİ-nin 19-cu PB-də araşdırma aparılır.

19/

10/17
 

MƏLUMAT

18.10.2017-ci il tarixdə saat 19:30 radələrində Qaradağ Rayon Mühafizə Şöbəsinin əməkdaşları, Lök-batan qəsəbəsində yerləşən, qorunan ”Sədərək” ticarət mərkəzində, fiziki şəxs Ramiz Həsənova məxsus mağazadan, 2014-cü ildən bu günə qədər ümumi dəyəri 30.000 (otuz min) manat olan qab-qacaq əşyalarını oğurlamaqda şübhəli bilinən, Mingəçevir şəhər sakini, 1974-cü il təvəllüdlü Müzəffərov Adil Akif oğlunu saxlayaraq sonraki araşdırmalar aparılması üçün ərazi üzrə 10-cu Polis Bölməsinə təhvil vermişlər. Faktla bağlı Qaradağ RPİ-nin 10-cu PB-də araşdırma aparılır

19/

10/17
 

MƏLUMAT

18.10.2017-ci il tarixdə saat 08:20 radələrində Sumqayıt Şəhər Mühafizə İdarəsinin əməkdaşları, Şəhərin 19-cu məhəlləsində yerləşən, Sumqayıt şəhər sakini S.Əbişova məxsus “Halal süfrə” kafesinin qarşısında quraşdırılmş, 120-130 manat dəyərində olan əl-üz yuyanın oğurluq məqsədilə sökdüyünə görə, Sumqayıt şəhər sakini 1967-ci il təvəllüdlü Mustafayev Elşən Şirzad oğlunu saxlayaraq ərazi üzrə 4-cü Polis Bölməsinə təhvil vermişlər. Bölmədə, aparılan araşdırma zamanı onun müxtəlif vaxtlarda Z.Məmmədova məxsus avtomobilindən akkumulyator, N.Rüstəmova məxsus mağazadan tütün məmulatı, X.Həsənovanın və X.Fərhadovanın ciblərindən mobil telefon oğurlaması muəyyən edilmişdir.Faktla bağlı Sumqayıt ŞPİ-nin 4-cü PB-də araşdırma aparılır.

18/

10/17
 

MƏLUMAT

17.10.2017-ci il tarixdə saat 14:20 radələrində Sumqayıt Şəhər Mühafizə İdarəsinin əməkdaşları, Sumqayıt şəhərində yerləşən, “Azərbaycan Respublikası Prezidenti Yanında Vətəndaşlara Xidmət və Sosial İnnovasiyalar üzrə Dövlət Agentliyində” (ASAN) texniki nəzarət detektorundan keçərkən Sumqayıt şəhər sakini, 1997-ci il təvəllüdlü Muradov Səbuhi Müşviq oğlunun üzərindən 1 (bir) ədəd 5.45 və 8 (səkkiz) ədəd 7.62 mm-lik avtomat patronu aşkar edərək hadisə yerinə dəvət olunmuş Sumqayıt ŞPİ-nin 3-cü PB-nin əməkdaşlarına təhvil vermişlər. Faktla bağlı Sumqayıt ŞPİ-nin 3-cü PB-də araşdırma aparılır.

17/

10/17
 

MƏLUMAT

16.10.2017-ci il tarixdə saat 17:30 radələrində Həyat Əhəmiyyətli Obyektlərin Mühafizəsi üzrə Polis Alayının əməkdaşları “Azərsu” ASC-yə məxsus qorunan Sumqayıt şəhəri, H.Z.Tağıyev qəsəbəsində, “Azersun” yağ emalı zavodunun yaxınlığında mühafizə zolağına yaxın ərazidə top mərmisi aşkar edərək bu barədə Sumqayıt ŞPİ-nin 2-ci PB-yə və “ANAMA” agentliyinə məlumat vermişlər. Əraziyə gəlmiş agentliyin əməkdaşları tərəfindən 49 ədəd sursat, o cümlədən 37 ədəd müxtəlif çaplı top mərmiləri (1 ədəd OF-26, 7 ədəd BF-18M, 6 ədəd OF-462, 1 ədəd A-1, 10 ədəd S-1, 1 ədəd BF-412, 3 ədəd OF-412, 2 ədəd O-367, 2 ədəd BM-6, 4 ədəd OF-350, 3 ədəd minaatan mərmisi (OF-832), 7 ədəd raket ( 1 ədəd OQ-9, 6 ədəd QG-9), 1 ədəd qumbara (PQ-2), 1 ədəd partladıcı (AK-6) torpaqdan çıxarılaraq zərərsizləşdirilməsi üçün partlayış meydançasına aparılmışdır.

17/

10/17
 

MƏLUMAT

11.10.2017-ci il tarixdə saat 16:00 radələrində, Yasamal Rayon Mühafizə İdarəsinin əməkdaşları, rayonun Z.Xəlilov küçəsində yerləşən Bakı Dövlət Universitetinin yaxınlığında Bakı şəhər sakinləri Aynurə Rüstəmovaya məxsus “Samsung” markalı smartfonu və Ləmən Heydərliyə məxsus “İbhone-7” markalı mobil telefonu oğurlayıb qaçarkən, Bakı şəhər sakini, əvvəllər məhkum olunmuş 1980-ci il təvəllüdlü Əliyev Elman Əlvan oğlunu yaxalayaraq maddi subutla birlikdə sonrakı araşdırmalar aparılması üçün ərazi üzrə 29-cu Polis Bölməsinə təhvil vermişlər. Faktla bağlı Yasamal Rayon Polis İdarəsinin 29-cu Polis Bölməsində araşdırma aparılır.

12/

10/17
 
<< 9 10 11 12 13 14 15 16 17 18 19 20 >>