07.04.2019-cu il tarixdə saat 05:50 radələrində Xətai Rayon Mühafizə İdarəsinin əməkdaşları, rayonun N. Əliyev küçəsində yerləşən 13, 23, 26 və 38 saylı binaların həyətlərində park olunmuş sakinlərə məxsus altı ədəd “Mersedes” markalı avtomobillərdən şüşəni sındırmaq yolu ilə 1000 manat pul və müxtəlif bank kartlarını oğurlamaqda şübhəli bilinən paytaxt sakini, 1996-cı il təvəllüdlü Qasımzadə Nicat Sadiq oğlunu Xocali prospektində saxlayaraq ərazi üzrə Polis Şöbəsinə təhvil vermişlər. N.Qasımzadənin ətrafında aparılmış əməliyyat tədbirləri ilə onun paytaxt sakini 2001-ıi il təvəllüdlü Ceyhun Səxavət oğlu Abbasovla birgə aprelin 7-nə keçən gecə N.Əliyev küçəsi, 28 saylı binanın qarşısinda vətəndaşlara məxsus 2 ədəd “Mersedes” markalı avtomobildən şüşəni sındırmaq yolu ilə oğurluğa cəhd göstərmələri, habelə S.Vəzirov küçəsində yerləşən 14 və 22 saylı binaların qarşısında park olunmuş vətəndaşlara məxsus “Toyota” və “Mersedes” markali avtomobillərdən də eyni üsulla pul oğurlamaları müəyyən edilmişdir. Faktla bağlı Xətai Rayon Polis İdarəsinin 37-ci Polis Şöbəsində araşdırma aparılır.
08/
05.04.2019-cu il tarixdə saat 02:42-də Nizami Rayon Mühafizə İdarəsinin əməkdaşları tərəfindən, rayonun Ə.Vəliyev küçəsində yerləşən, texniki vasitələrin köməyi ilə mühafizə olunan fiziki şəxsə məxsus “Eleqant” marketdən Mərkəzi Mühafizə Məntəqəsinə (MMM-ə) daxil olmuş “həyəcan” siqnalı barədə məlumat yoxlanılarkən, obyektin giriş qapısının şüşəsini daşla sındıraraq oğurluğa cəhd göstərmiş iki nəfər şübhəli şəxs hadisə yerindən qaçmaq istəyərkən saxlanılaraq ərazi üzrə Polis Şöbəsinə təhvil verilmişdir. Polis Şöbəsində araşdırma zamanı saxlanılan şəxslərin Paytaxt sakinləri 2004-cü il təvəllüdlü Həsənov Ayxan İlham oğlu və 2003-cü il təvəllüdlü İsmayılov Şirin Qafar oğlu olduğu müəyyən edilmişdir. Faktla bağlı Nizami Rayon Polis İdarəsinin 25-ci Polis Şöbəsində araşdırma aparılır.
05/
04.04.2019-cu il tarixdə saat 21:50-də Abşeron Rayon Mühafizə İdarəsinin əməkdaşları, rayonun Novxanı qəsəbəsində yerləşən, texniki vasitələrin köməyi ilə mühafizə olunan vətəndaşa məxsus fərdi yaşayış evindən Mərkəzi Mühafizə Məntəqəsinə (MMM-ə) daxil olmuş “həyəcan” siqnalı barədə məlumatı yoxlayarkən, evin pəncərəsindən oğurluq məqsədi ilə otaqlardan birinə daxil olmuş bir nəfəri yaxalayaraq sonrakı araşdırmalar aparılması üçün Abşeron Rayon Polis İdarəsinə təhvil vermişlər. Aparılmış araşdırma zamanı yaxalanan şəxsin Bərdə rayon sakini, Novxanı qəsəbəsində kirayədə yaşayan 1981-ci il təvəllüdlü Əhmədov Qulu Knyaz oğlu olduğu müəyyən edilmişdir. Faktla bağlı Abşeron Rayon Polis İdarəsində araşdırma aparılır.
04.04.2019-cu il tarixdə saat 19:38-də Abşeron Rayon Mühafizə İdarəsinin əməkdaşları, Xırdalan şəhərində yerləşən, texniki vasitələrin köməyi ilə mühafizə olunan “Fresco-6” super marketdən Mərkəzi Mühafizə Məntəqəsinə (MMM-ə) daxil olmuş “həyəcan” siqnalı barədə məlumatı yoxlayarkən, ümumi dəyəri 75 manat olan müxtəlif növ ərzaq məhsullarını oğurlamış Paytaxt sakini, 1990-cı il təvəllüdlü Cavadov Ağamövsüm Sabir oğlunu saxlayaraq sonrakı araşdırmalar aparılması üçün Abşeron Rayon Polis İdarəsinə təhvil vermişlər. Faktla bağlı araşdırma aparılır.
24.03.2019-cu il tarixdə Ağstafa rayonu, Poylu qəsəbəsinin ərazisində yerləşən qəbirastanlıqda 4 ədəd F-1 əl qumbarası və həmin qumbaralara aid 5 ədəd alışdırıcı, avtomat silahına aid 6 ədəd sandıq, 1 ədəd qundaq, 270 ədəd 7,62 mm və 344 ədəd 5,45 çaplı güllənin aşkar edilərək ərazi üzrə Polis Şöbəsinə təhvil verilməsində Tovuz Regional Mühafizə Şöbəsinin əməkdaşları müvafiq qurumlara yaxından köməklik göstərmişlər. Faktla bağlı Ağstafa RPŞ-də araşdırma aparılır.
26/
24.03.2019-cu il tarixdə saat 17:30 radələrində, Xətai rayonu, K.Kərimov küçəsi-7 ünvanın yaxınlığında, qorunan Neft kəmərlərinin ərazisində kəsilmiş vəziyyətdə olan ümumi uzunluğu 30 metr, diametri 1000 mm olan metal borunu “Qaz 24” markalı avtomobilə yükləyib oğurlamağa cəhd göstərmiş 3 (üç) nəfəri Heydər Əliyev adına Bakı Neft Emalı Zavodunun Mühafizəsi üzrə Polis İdarəsinin əməkdaşları şübhəli şəxs qismində saxlayaraq sonrakı araşdırmalar aparılması üçün ərazi üzrə Polis Bölməsinə təhvil vermişlər. Bölmədə aparılan araşdırmalarla saxlanılan şəxslərin Xətai rayon sakinləri və hər üçü əvvəllər məhkum olunmuş 1961-ci il təvəllüdlü İsmayılov Rəfail Hüseyn oğlu, 1975-ci il təvəllüdlü Eyvazov Sergey Misir oğlu və 1979-cu il təvəllüdlü Quliyev Rəşad Cümşüd oğlu olduqları müəyyən edilmişdir. Faktla bağlı Xətai RPİ-nin 37-ci Polis Bölməsində araşdırma aparılır.
11.03.2019-cu il tarixdə saat 18:00 radələrində Nəsimi Rayon Mühafizə İdarəsinin əməkdaşları, rayonun M.Qaşqay küçəsində yerləşən, xüsusi texniki vasitələrin köməyi ilə qorunan “Araz” marketdən ümumi dəyəri 90 manat olan 3 (üç) ədəd spirtli içkini oğurlayan, Paytaxt sakini 1985-ci il təvəllüdlü Vəlixanov Rişad İsa oğlunu saxlayaraq sonrakı araşdırmalar aparılması üçün ərazi üzrə Polis Bölməsinə təhvil vermişlər. Faktla bağlı Nəsimi RPİ-nin 21-ci PB-də araşdırma aparılır.
12/
03.03.2019-cu il tarixdə saat 02:19-da Şəmkir Rayonlararası Mühafizə Şöbəsinin əməkdaşları, Şəmkir şəhərində yerləşən, xüsusi texniki vasitələrin köməyi ilə mühafizə olunan “Bazarstore” marketindən Mərkəzi Mühafizə Məntəqəsinə (MMM-ə) daxil olmuş “həyəcan” siqnalını yoxlayarkən marketin vitrin şüşəsini sındırıb içəridə oğurluq edən bir nəfəri hadisə yerində yaxalayaraq sonrakı araşdırmalar aparılması üçün Polis Şöbəsinə təhvil vermişlər. Şöbədə aparılan araşdırmalarla saxlanılan şəxsin Şəmkir şəhər sakini 1990-cı il təvəllüdlü Abbasov Tural Nizami oğlu olduğu müəyyən edilmişdir. Faktla bağlı Şəmkir Rayon Polis Şöbəsində araşdırma aparılır.
04/
03.03.2019-cu il tarixdə saat 19:10 radələrində Binəqədi Rayon Mühafizə İdarəsinin əməkdaşları, “Evrohome” tikinti bazarında yerləşən, fiziki şəxsə məxsus mağazadan ümumi dəyəri 85 manat olan 4 qutu “Siemens” markalı elektrik avtomat açarını oğurlamağa cəhd göstərmiş əvvəllər AR CM-nin 177.3.2 maddəsi ilə məhkum olunmuş paytaxt sakini 1985-ci il təvəllüdlü Kərimov Elşad Ziyadxan oğlunu saxlayaraq sonraki araşdırmalar aparılması üçün ərazi üzrə Polis Şöbəsinə təhvil vermişlər. Faktla bağlı Binəqədi RPİ-nin 6-cı PŞ-də araşdırma aparılır.
26.02.2019-cu il tarixdə saat 02:57-də Nizami Rayon Mühafizə İdarəsinin əməkdaşları, rayonun Q.Qarayev prospektində yerləşən, xüsusi texniki vasitələrin köməyi ilə mühafizə olunan “Əfəndi” marketdən Mərkəzi Mühafizə Məntəqəsinə (MMM-ə) daxil olmuş “həyəcan” siqnalını yoxlayarkən obyektdən oğurluğa cəhd göstərmiş bir nəfəri hadisə yerindən qaçmaq istəyərkən yaxalayaraq sonrakı araşdırmalar aparılması üçün ərazi üzrə Polis Şöbəsinə təhvil vermişlər. Şöbədə aparılan araşdırmalarla saxlanılan şəxsin Astara rayonunda anadan olmuş, Nizami rayonu, Naxçıvanski küçəsi 79 ünvanda yaşayan 1968-ci il təvəllüdlü Həsənov Şəmsi Akif oğlu olduğu müəyyən edilmişdir. Faktla bağlı Nizami Rayon Polis İdarəsinin 24-cü Polis Şöbəsində araşdırma aparılır.
27/
tel.: (+994 12) 597 07 37, 594 44 04
e-poçt: