Xəbərlər arxivi

MƏLUMAT

25.02.2017-ci il tarixdə saat 16:15 radələrində Sabunçu rayonun Zabrat qəsəbəsi, Babək küçəsində yerləşən, mühafizə siqnalizasiyası sistemləri ilə təchiz olunmuş, qorunan, fiziki şəxsə məxsus “Ayxan” marketdən növbəti dəfə oğurluğa cəhd göstərilmişdir. Bu dəfə, marketdən ərzaq məhsulları oğurlayan, Sabunçu qəsəbə sakini, əvəllər məhkum olunmuş,1976-cı il təvəllüdlü Səttarov Zülfüqar Bahəddin oğlunu Sabunçu Rayon Mühafizə İdarəsinin əməkdaşları saxlayaraq ərazi üzrə 15-cu Polis Bölməsinə təhvil vermişlər. Faktla bağlı Sabunçu Rayon Polis İdarəsinin 15-ci Polis Bölməsində araşdırma aparılır.

26/

02/17
 

MƏLUMAT

24.02.2017-ci il tarixdə saat 01:23 radələrində Xırdalan şəhəri, “Yoncalıq” yaşayış massivi, S.Mehmandarov küçəsində yerləşən, siqnalizasiya sistemləri ilə təchiz olunmuş, fiziki şəxs İlkin Qasımova məxsus “Panda” marketdən Mərkəzi Mühafizə Məntəqəsinə “həyəcan” siqnalı daxil olmuşdur. Dərhal hadisə yerinə gələn Abşeron Rayon Mühafizə İdarəsinin əməkdaşları, obyektin giriş qapısına quraşdırılmış dəmir barmaqlıqların sindırılmasıni aşkar etmişlər. Polis əməkdaşları obyektə baxış keçirərkən oğurluq məqsədilə içəri daxil olmuş, 2001-ci il təvəllüdlü İsayev Elxan Rafayıl oğlu və Abbasov Ceyhun Səxavət oğlunu saxlayaraq sonrakı araşdırmalar aparılması üçün ərazi üzrə Abşeron RPİ-yə təhvil vermişlər. Faktla bağlı Abşeron RPİ-də araşdırma aparılır.

24/

02/17
 

MƏLUMAT

22.02.2017-ci il tarixdə saat 19:30 radələrində, Səbail rayonu, Nizami küçəsində yerləşən “Spar” marketdən müxtəlif növ ərzaq mallarını oğurlayıb qaçmaq istəyərkən, Neftçala rayonunda anadan olmuş, Baki şəhəri, Qaraçuxur qəsəbəsində yaşayan, əvvəllər məhkum olunmuş, 1984-cü il təvəllüdlü Məmmədov İntiqam Məmməd oğlunu Binəqədi Rayon Mühafizə İdarəsinin əməkdaşı saxlayaraq ərazi üzrə 9-cu Polis Bölməsinə təhvil vermişdir. Faktla bağlı Səbail RPİ-nin 9-cu PB-də araşdırma aparılır.

23/

02/17
 

MƏLUMAT

22.02.2017-ci il tarixdə saat 22:30 radələrində Neft Emalı Obyektlərinin Mühafizəsi İdarəsinin əməkdaşları, Xətai rayonu, Nobel prospekti-72 ünvanda yerləşən, qorunan neft kəmərlərinin yaxınlığında, Sabunçu rayon sakini Hüseyn Həsənova məxsus “VAZ-2103” markalı Az 33 BA 893 dövlət qeydiyyat nömrəli avtomaşının elektrik naqillərini sökərək qaçırmaq istəyərkən İmişli rayon, Məmmədli kənd sakini 1979-cu il təvəllüdlü Bayramov Siyavuş Bəylər oğlunu saxlayaraq ərazi üzrə 37-ci Polis Bölməsinə təhvil vermişlər. Faktla bağlı Xətai RPİ-nin 37-ci PB-də araşdırma aparılır.

23/

02/17
 

MƏLUMAT

20.02.2017-ci il tarixdə saat 17:54 radələrində, Xaçmaz Rayon Mühafizə Bölməsinin əməkdaşları, şəhərin N.Nərimanov küçəsində yerləşən fiziki şəxs Ehtiram İslamova məxsus siqnalizasiya sistemləri ilə təchiz olunmuş, “Qızıl Tac” mağazasından Mərkəzi Mühafizə Məntəqəsinə daxil olmuş “həyəcan” siqnalını yoxlayarkən, obyektin sahibi E.İslamov əvvəllər tanıdığı Xaçmaz şəhər sakini, 1982-ci il təvəllüdlü Orucov Dövlət Əlibaxış oğlu və Quba rayonun Çiçi kənd sakini 1983-cü il təvəllüdlü İlyasov Əli İlyas oğlu tərəfindən pul üstündə aralarındə yaranmış mübahisə zamanı xuliqanlıq zəminində döyüldüyünü və bıçaqla öldürməklə hədələndiyini bildirmişdir. Ə.İlyasov saxlanılmış, D.Orucov isə hadisə yerindən qaçmışdir. Xaçmaz RPŞ-nin və Mühafizə Bölməsinin əməkdaşları tərəfindən keçirilmiş əməliyyat-axtarış tədbirləri nəticəsində D.Orucov saxlanılaraq sonrakı araşdırmaların aparılması üçün Xaçmaz RPŞ-yə təhvil verilmişdir. Faktla bağlı Xaçmaz RPŞ-də araşdırma aparılır.

22/

02/17
 

MƏLUMAT

10.02.2017-ci il tarixdə gecənin ikinci yarısı saat 04:34 radələrində Sabunçu rayonu, Zabrat qəsəbəsində yerləşən, siqnalizasiya sistemləri ilə təchiz olunmuş, qorunan, “Şınıx” marketdən Mərkəzi Mühafizə Məntəqəsinə “həyəcan” siqnalı daxil olmuşdur. Dərhal hadisə yerinə gələn Sabunçu Rayon Mühafizə İdarəsinin əməkdaşları, obyektin giriş qapısının açıq olduğunu aşkar etmişlər. Obyektə baxış zamanı marketin daxilində oğurluğa cəhd edən əlində bıçaq olan, (sonradan şəxsiyyəti müəyyən edilmiş) Masallı Rayonun Türkoba kəndində anadan olmuş, Paytaxtın Sabunçu qəsəbəsində kirayəşin yaşayan əvvəllər məhkum olunmuş, 1999-cu il təvəllüdlü Elçin İkram oğlu Xəlilov saxlanılmış və sonrakı araşdırmalar aparılması üçün ərazi üzrə 12-ci Polis Bölməsinə təhvil verilmişdir. RPİ-də E.Xəlilovun ətrafında aparılmış əməliyyat tədbirləri ilə, onun fevralin 8-nə keçən gecə Sabunçu qəsəbə sakini Mürvət Nəsibova məxsus mağazadan 30 manat pul və tütün məmulatı, fevralın 10-u saat 03 radələrində Zabrat qəsəbəsinin ərazisində, qəsəbə sakinləri Fazil İbrahimova məxsus mağazadan 120 manat pul və təmir-tikinti alətləri, Roman Malyunkinə məxsus telefon təmiri məntəqəsindən müxtəlif markalı 6 ədəd mobil telefon oğurlaması müəyyən edilmişdir. Faktla bağlı araşdırma davam etdirilir.

11/

02/17
 

MƏLUMAT

10.02.2017-ci il tarixdə saat 20:30 radələrində, Xətai rayonu, Kənd Əhmədli qəsəbəsində yerləşən “Home” marketin qarşısında Bakı şəhər sakini, 1986-cı il təvəllüdlü Samirə Səmədovaya məxsus əl çantasını oğurlayıb qaçmaq istəyərkən (içərisində 1 ədəd “İPHONE” markalı, 1 ədəd ”LG” markalı mobil telefon və 55 manat pul) Xətai rayonu ərazisində qeydiyyatda olan 1989-cu il təvəllüdlü Hüseynov Nicat Fərqəçi oğlu çox uzağa gedə bilməmişdir. Belə ki, ərazidə olan Xətai Rayon Mühafizə İdarəsinin əməkdaşı N.Hüseynovu yaxalayaraq ərazi üzrə 34-cü Polis Bölməsinə təhvil vermişdir. Faktla bağlı Xətai RPİ-nin 34-cü PB-də araşdırma aparılır.

11/

02/17
 

MƏLUMAT

06.02.2017-ci il tarixdə saat 19:20 radələrində, “28 May” metrostansiyası ərazisində yerləşən qorunan “Ticarət Mərkəz”ində, fiziki şəxs Nurlan Talıbova məxsus mağazadan dəyəri 165 manat olan “Hublot” markalı qol saatını oğurlayıb qaçmaq istəyərkən, Baki şəhər sakini, 1996-cı il təvəllüdlü Məlikov Amal Musa oğlu və Xırdalan şəhər sakini, əvvəllər AR CM-nin 177.2.4-cü maddəsi ilə məhkum olunmuş, 1990-cı il təvəllüdlü Xalıqov Samir Nazim oğlunu həmin ərazidə xidmət aparan Nəsimi rayon Mühafizə İdarəsinin əməkdaşları saxlayaraq ərazi üzrə 22-ci Polis Bölməsinə təhvil vermişlər. Faktla bağlı Nəsimi RPİ-nin 22-ci PB-də araşdırma aparılır.

08/

02/17
 

MƏLUMAT

06.02.2017-ci il tarixdə saat 01:10 radələrində Qaradağ Rayon Mühafizə Şöbəsinin əməkdaşları, Qobustan qəsəbəsində yerləşən, qorunan “AND” MMC-nin ərazisindən elektrik avadanlıqlarından kəsilmiş yüksək gərginlikli kabeli oğurlamaqda şübhəli bilinənlər, Lerik rayonun Xanagələ kənd sakinləri, 1970-ci il təvəllüdlü Adıyev Azad Şahverdi oğlu, 1982-ci il təvəllüdlü Dadaşov Əkbər İsi oğlu və Biləvar kənd sakini 1987-ci il təvəllüdlü Azadov Səadət İdrət oğlunu saxlayaraq sonrakı araşdırmalar aparılması üçün ərazi üzrə 11-ci Polis Bölməsinə təhvil vermişlər. A.Adıyev saxlanılarkən müqavimət göstərmiş və taxta parçası ilə polis əməkdaşına xəsarət yetirmişdir. Faktla bağlı Qaradağ RPİ-nin 11-ci PB-də araşdırma aparılır.

07/

02/17
 

MƏLUMAT

03.02.2017-ci il tarixdə saat 05:02 radələrində Xətai rayonu, M.Hadi küçəsində yerləşən, mühafizə siqnalizasiyası sistemləri ilə təchiz olunmuş, qorunan, fiziki şəxs Vüsal Ələkbərova məxsus “Elay Telekom” mağazasından Mərkəzi Mühafizə Məntəqəsinə “həyəcan” siqnalı daxil olmuşdur. Dərhal hadisə yerinə gələn Xətai Rayon Mühafizə İdarəsinin əməkdaşları, obyektin giriş qapısına müdaxilə olunduğunu aşkar etmişlər. Polis əməkdaşları obyektə baxış keçirərkən oğurluq məqsədilə içəri daxil olmuş Xətai rayon sakini, 1997-ci il təvəllüdlü Məhərrəmov Ramin Qasım oğlunu saxlayaraq sonrakı araşdırmalar aparılması üçün ərazi üzrə 36-cı Polis Bölməsinə təhvil vermişlər. Faktla bağlı Xətai RPİ-nin 36-cı PB-də araşdırma aparılır.

03/

02/17
 
<< 17 18 19 20 21 22 23 24 25 26 27 28 >>