Mühafizə polisi haqqında

Baş Mühafizə İdarəsi müqavilə əsasında mülkiyyətçilərin əmlakının mühafizəsi və təhlükəsizlik işini təşkil edən, mühafizə xidmətlərinə görə müqavilə üzrə alınan vəsaitlər hesabına saxlanılan müstəqil struktur hissədir. 

Baş İdarənin strukturuna Təşkilati-inspektor idarəsi, Xidmət şöbəsi, Mühafizənin texniki vasitələri şöbəsi, Kadrlar şöbəsi, Maliyyə-plan şöbəsi, Maddi-texniki təchizat şöbəsi, Baş idarənin inzibati binasının mühafizəsi bölməsi, Növbətçi hissələri idarəetmə xidməti, Katiblik, Şəxsi heyətlə iş üzrə qrup, Kompüterləşmiş mərkəzi mühafizə məntəqəsi, İdman kompleksi daxildir.

Baş İdarənin əsas vəzifələri aşağıdakılardır:

  • müqavilələr əsasında mülkiyyətçilərin əmlakının və təhlükəsizliyinin mühafizəsi işini təşkil etmək;
  • mühafizə xidmətinin təkmilləşdirilməsi və mühafizə hissələrinin öz xərclərini ödəməsi üçün tədbirlərin işlənib hazırlanmasını və həyata keçirilməsini təmin etmək;
  • obyektlərin siqnalizasiya vasitələri ilə təchiz edilməsi üzrə quraşdırma işlərinin yerinə yetirilməsinə texniki nəzarətin həyata keçirilməsini, onların istismara qəbul olunmasını, təmirini və texniki xidmətini təmin etmək;
  • hüquqi və fiziki şəxslərin əmlakının hüquqazidd əməllərdən qorunmasını təşkil etmək, bu məqsədlə mühafizəyə götürülən əmlakın siqnalizasiya vasitələri ilə təchiz edilməsi üzrə tədbirlər həyata keçirmək;
  • Qanunvericiliklə müəyyən edilmiş digər vəzifələri həyata keçirmək;
>>>

Xəbərlər


16/

01/18

MƏLUMAT

15.01.2018-ci il tarixdə saat 15:50 radələrində Sabunçu rayonu, Zabrat qəsəbəsi, S.Cəfərov küçəsində yerləşən, mühafizə siqnalizasiyası sistemləri ilə təchiz olunmuş, qorunan, “Oba” marketdən ərzaq məhsulları oğurlamağa cəhd edən, Lənkəran şəhərində anadan olmuş, Zabrat qəsəbəsndə müvəqqəti yaşayan 1981-cı il təvəllüdlü Sadıqov Emil Eldar oğlunu Yasamal Rayon Mühafizə İdarəsinin əməkdaşı saxlayaraq ərazi üzrə 15-ci Polis Bölməsinə təhvil vermişdir. Bölmədə E.Sadıqovun 21.11.2017-ci il tarixdə rayonun E.Mehdiyev küçəsində yerləşən “Oba” marketin müdiri F.Ələkbərova bıçaqla xəsarət yetirdiyinə görə Sabunçu RPİ-nin 12-ci PB tərəfindən axtarışda olduğu müəyyən edilmişdir. Faktla bağlı araşdırma aparılır.

15/

01/18

MƏLUMAT

14.01.2018-ci il tarixdə saat 10:00 radələrində, Səbail Rayon Mühafizə İdarəsinin əməkdaşları, Yasamal rayonu, Ə.Ələkbərov küçəsində yerləşən vətəndaşa məxsus fərdi yaşayış evinin plastik konstruksiyalı pəncərəsinin dəmir barmaqlığıni qopararaq və pəncərəni sındıraraq oğurluq məqsədi ilə içəri daxil olan, Balakən rayon sakini 1996-cı il təvəllüdlü Əzizov Məhəmməd Nəriman oğlunu yaxalayaraq sonrakı araşdırmalar aparılması üçün ərazi üzrə Polis Bölməsinə təhvil vermişlər. Faktla bağlı Yasamal RPİ-nin 27-ci PB-də araşdırma aparılır.
Arxiv