Mühafizə polisi haqqında

Baş Mühafizə İdarəsi müqavilə əsasında mülkiyyətçilərin əmlakının mühafizəsi və təhlükəsizlik işini təşkil edən, mühafizə xidmətlərinə görə müqavilə üzrə alınan vəsaitlər hesabına saxlanılan müstəqil struktur hissədir. 

Baş İdarənin strukturuna Təşkilati-inspektor idarəsi, Xidmət şöbəsi, Mühafizənin texniki vasitələri şöbəsi, Kadrlar şöbəsi, Maliyyə-plan şöbəsi, Maddi-texniki təchizat şöbəsi, Baş idarənin inzibati binasının mühafizəsi bölməsi, Növbətçi hissələri idarəetmə xidməti, Katiblik, Şəxsi heyətlə iş üzrə qrup, Kompüterləşmiş mərkəzi mühafizə məntəqəsi, İdman kompleksi daxildir.

Baş İdarənin əsas vəzifələri aşağıdakılardır:

  • müqavilələr əsasında mülkiyyətçilərin əmlakının və təhlükəsizliyinin mühafizəsi işini təşkil etmək;
  • mühafizə xidmətinin təkmilləşdirilməsi və mühafizə hissələrinin öz xərclərini ödəməsi üçün tədbirlərin işlənib hazırlanmasını və həyata keçirilməsini təmin etmək;
  • obyektlərin siqnalizasiya vasitələri ilə təchiz edilməsi üzrə quraşdırma işlərinin yerinə yetirilməsinə texniki nəzarətin həyata keçirilməsini, onların istismara qəbul olunmasını, təmirini və texniki xidmətini təmin etmək;
  • hüquqi və fiziki şəxslərin əmlakının hüquqazidd əməllərdən qorunmasını təşkil etmək, bu məqsədlə mühafizəyə götürülən əmlakın siqnalizasiya vasitələri ilə təchiz edilməsi üzrə tədbirlər həyata keçirmək;
  • Qanunvericiliklə müəyyən edilmiş digər vəzifələri həyata keçirmək;
>>>

Xəbərlər


04/

06/18

MƏLUMAT

02.06.2018-ci il tarixdə saat 00:15 radələrində Nərimanov Rayon Mühafizə İdarəsinə məxsus avtomarşurutda xidmət aparan polis əməkdaşları, rayonun Koroğlu Rəhimov küçəsi ilə hərəkətdə olarkən bir şəxs onlara yaxınlaşaraq mənzilinə oğru girdiyini və hələdə orda olduğunu bildirmiş, oğrunun saxlanılması üçün ona kömək etməklərini xahiş etmişdir. Avtomarşrutda xidmət aparan polis əməkdaşları dərhal həmin vətəndaşa məxsus mənzilə gəlmişlər və mənzildən oğurluğa cəhd göstərən bir nəfəri şübhəli şəxs qismində saxlayaraq sonrakı araşdırmaların aparılması üçün ərazi üzrə 18-ci Polis Bölməsinə təhvil vermişlər. Polis Bölməsində aparılmiş araşdırmalarla oğurluğa cəhd olunmuş mənzilin, vətəndaş A.Nuruşova məxsus olması və mənzildən oğurluq edən şəxsin isə onun qonşuluğunda yaşayan1987-ci il təvəllüdlü Mahmudov Sahib Seyfəddin oğlu olduğu məlum olmuşdur. S.Mahmudovun üzərinə baxış keçirilərkən qonşusunun mənzilindən oğurladıği 1300 manat pul üzərində aşkar edilmiş və maddi subut kimi götürülmüşdür. Faktla bağlı Nərimanov RPİ-nin 18-ci PB-də araşdırmalar aparılır.

26/

05/18

MƏLUMAT

22.05.2018-ci il tarixdə saat 19:00 radələrində, Qaradağ rayonu, Lök-batan qəsəbəsində yerləşən, qorunan “Binə” ticarət mərkəzində, inşası başa çatmaməş mağazanın pəncərə çərçivələrini oğurlamağa cəhd göstərmiş iki nəfər şəxs, həmin ərazidə xidmət aparan Qaradağ Rayon Mühafizə Şöbəsinin əməkdaşları tərəfindən saxlanılaraq ərazi üzrə 10-cu Polis Bölməsinə təhvil verilmişdir. Polis Bölməsində aparılmış araşdırmalarla saxlanılan şəxslərin Şəki rayon sakini,1972-ci il təvəllüdlü Qurbanəliyev Rəşid Dövlət oğlu və Sumqayıt şəhər sakini, 1992-ci il təvəllüdlü Zəkiyev Ceyhun Rəhim oğlunun olduğu müəyyən olunmuşdur. Faktla bağlı Qaradağ RPİ-nin 10-cu PB-də araşdırma aparılır.
Arxiv