Mühafizə polisi haqqında

Baş Mühafizə İdarəsi müqavilə əsasında mülkiyyətçilərin əmlakının mühafizəsi və təhlükəsizlik işini təşkil edən, mühafizə xidmətlərinə görə müqavilə üzrə alınan vəsaitlər hesabına saxlanılan müstəqil struktur hissədir. 

Baş İdarənin strukturuna Təşkilati-inspektor idarəsi, Xidmət şöbəsi, Mühafizənin texniki vasitələri şöbəsi, Kadrlar şöbəsi, Maliyyə-plan şöbəsi, Maddi-texniki təchizat şöbəsi, Baş idarənin inzibati binasının mühafizəsi bölməsi, Növbətçi hissələri idarəetmə xidməti, Katiblik, Şəxsi heyətlə iş üzrə qrup, Kompüterləşmiş mərkəzi mühafizə məntəqəsi, İdman kompleksi daxildir.

Baş İdarənin əsas vəzifələri aşağıdakılardır:

  • müqavilələr əsasında mülkiyyətçilərin əmlakının və təhlükəsizliyinin mühafizəsi işini təşkil etmək;
  • mühafizə xidmətinin təkmilləşdirilməsi və mühafizə hissələrinin öz xərclərini ödəməsi üçün tədbirlərin işlənib hazırlanmasını və həyata keçirilməsini təmin etmək;
  • obyektlərin siqnalizasiya vasitələri ilə təchiz edilməsi üzrə quraşdırma işlərinin yerinə yetirilməsinə texniki nəzarətin həyata keçirilməsini, onların istismara qəbul olunmasını, təmirini və texniki xidmətini təmin etmək;
  • hüquqi və fiziki şəxslərin əmlakının hüquqazidd əməllərdən qorunmasını təşkil etmək, bu məqsədlə mühafizəyə götürülən əmlakın siqnalizasiya vasitələri ilə təchiz edilməsi üzrə tədbirlər həyata keçirmək;
  • Qanunvericiliklə müəyyən edilmiş digər vəzifələri həyata keçirmək;
>>>

Xəbərlər


22/

05/18

MƏLUMAT

21.05.2018-ci il tarixdə saat 01:20 radələrində, Şəki Rayonlararası Mühafizə Şöbəsinin əməkdaşları tərəfindən, şəhərin M.Müşviq küçəsində yerləşən fiziki şəxsə məxsus qorunan, “Uşaq aləmi” mağazasından oğurluğa cəhd göstərmş bir nəfər saxlanılaraq ŞRPŞ-yə təhvil verilmişdir. Polis Şöbəsində aparılan araşdırmalarla onun Şəki rayonu, Qoxmuq kənd sakini, 1993-cü il təvəllüdlü Məhərrəmli İlkin İdayət oğlu olduğu müəyyən edilib. Şöbədə İ.Məhərrəmlinin üzərinə baxış zamanı bir ədəd qara rəngli maska, iki ədəd şüşə kəsən və qıfıl sındırmaq üçün nəzərdə tutulmuş kiçik ölçülü dəmir alətlər aşkar edilmişdir. Faktla bağlı ŞRPŞ-də araşdırma aparılır.

19/

05/18

MƏLUMAT

19 may 2018-ci il tarixdə saat 01:22 radələrində, Nəsimi Rayon Mühafizə İdarəsinin əməkdaşları, rayonun A.Məhərrəmov küçəsində yerləşən, “Kapital Bank” ASC-nin “Binəqədi” filialından Mərkəzi Mühafizə Məntəqəsinə daxil olmuş "həyəcan" siqnalını yoxlayarkən, bankın şüşə konstruksiyalı əsas giriş qapısını daşla sındırmağa cəhd göstərən paytaxt sakini, 2001-ci il təvəllüdlü Zeynalov Əhməd Əhəd oğlunu saxlayaraq sonrakı araşdırmalar aparılması üçün ərazi üzrə 19-cu Polis Bölməsinə təhvil vermişlər. Faktla bağlı Nəsimi RPİ-nin 19-cu PB-də araşdırma aparılır.
Arxiv