Mühafizə polisi haqqında

Baş Mühafizə İdarəsi müqavilə əsasında mülkiyyətçilərin əmlakının mühafizəsi və təhlükəsizlik işini təşkil edən, mühafizə xidmətlərinə görə müqavilə üzrə alınan vəsaitlər hesabına saxlanılan müstəqil struktur hissədir. 

Baş İdarənin strukturuna Təşkilati-inspektor idarəsi, Xidmət şöbəsi, Mühafizənin texniki vasitələri şöbəsi, Kadrlar şöbəsi, Maliyyə-plan şöbəsi, Maddi-texniki təchizat şöbəsi, Baş idarənin inzibati binasının mühafizəsi bölməsi, Növbətçi hissələri idarəetmə xidməti, Katiblik, Şəxsi heyətlə iş üzrə qrup, Kompüterləşmiş mərkəzi mühafizə məntəqəsi, İdman kompleksi daxildir.

Baş İdarənin əsas vəzifələri aşağıdakılardır:

  • müqavilələr əsasında mülkiyyətçilərin əmlakının və təhlükəsizliyinin mühafizəsi işini təşkil etmək;
  • mühafizə xidmətinin təkmilləşdirilməsi və mühafizə hissələrinin öz xərclərini ödəməsi üçün tədbirlərin işlənib hazırlanmasını və həyata keçirilməsini təmin etmək;
  • obyektlərin siqnalizasiya vasitələri ilə təchiz edilməsi üzrə quraşdırma işlərinin yerinə yetirilməsinə texniki nəzarətin həyata keçirilməsini, onların istismara qəbul olunmasını, təmirini və texniki xidmətini təmin etmək;
  • hüquqi və fiziki şəxslərin əmlakının hüquqazidd əməllərdən qorunmasını təşkil etmək, bu məqsədlə mühafizəyə götürülən əmlakın siqnalizasiya vasitələri ilə təchiz edilməsi üzrə tədbirlər həyata keçirmək;
  • Qanunvericiliklə müəyyən edilmiş digər vəzifələri həyata keçirmək;
>>>

Xəbərlər


07/

12/17

MƏLUMAT

06.12.2017-ci il tarixdə saat 19:48 radələrində Nərimanov rayonu, F.X.Xoyski prospektində yerləşən, siqnalizasiya sistemləri ilə təchiz olunmuş, qorunan, “Metro Mart” marketdən Mərkəzi Mühafizə Məntəqəsinə “həyəcan” siqnalı daxil olmuşdur. Dərhal hadisə yerinə gələn Nərimanov Rayon Mühafizə İdarəsinin əməkdaşları, marketdən ərzaq məhsulları oğurlamağa cəhd göstərmiş, Nəsimi rayon sakini, 1985-ci il təvəllüdlü Cabbarov Tamerlan Tahir oğlunu saxlayaraq sonrakı araşdırmalar aparılması üçün ərazi üzrə 17-ci Polis Bölməsinə təhvil vermişlər. Faktla bağli Nərimanov Rayon Polis İdarəsinin 17-ci Polis Bölməsində araşdırma aparılır.

06/

12/17

MƏLUMAT

06.12.2017-ci il tarixdə saat 09:58-də Salyan şəhəri, Ə.Zeynalov küçəsində yerləşən E.Şahsuvarova məxsus mənzildə fəaliyyət göstərən Lombardan Mərkəzi Mühafizə Məntəqəsinə “həyəcan” siqnalı daxil olmuşdur. Dərhal hadisə yerinə gələn Salyan Rayon Mühafizə Bölməsinin əməkdaşları, lombardın işçisinə naməlum şəxs tərəfindən bıçaqla xəsarət yetirildiyini aşkar etmişlər. Cinayəti törətməkdə şübhəli bilinən şəxsin İsti izlərlə axtarışı həyata keçirilib və polisin çevikliyi sayəsində, hadisəni törədən şəxs, Salyan şəhər sakini 1987-ci il təvəllüdlü Abbasov Tural Cəbrayıl oğlu saxlanılaraq zərərsizləşdirilib. Faktla bağlı Salyan RPŞ-də araşdırma aparılır.
Arxiv